Акафист Николаю Гурьянову

 АКАФИСТ БАТЮШКЕ НИКОЛАЮ ГУРЬЯНОВУ ПСКОВОЕЗЕРСКОМУ
Икона батюшки Николая Гурьянова в нашем каталоге

Кондак 1

Избранный от века пречудный праведниче старче Николае, детскою простотою и любовию сердца своего Русь скорбящую обнимающий,
благодарением твоему служению ангельскому на земли исполненныя, с надеждою и верою воспоим ти сицевая: 

Радуйся, старче Николае Залитский,/ народа русскаго совесте и Божественныя Любве сияние!

Икос 1
Словами и делами евангельскими благая содеяша, старче Николае праведне, Церковь Ликовствующую небесную и Церковь Воинствующую земную воедино в себе соединил еси. Сего ради во знамение победы Христовой возопиим ти: 

Радуйся, предстателю, ходивый на небеса за душу кающуюся молитися! 
Радуйся, апостоле, рыбарей благословлявший богатый улов приносити! 
Радуйся, вертоградарю, цветов небесных на земли насадителю! 
Радуйся, отче, своим попечением Чад Божиих не оставляющий! 

Радуйся, боголюбче, спасительныя книги чающим утешения даривый! 
Радуйся, странноприимче, яко отец родной всех приходящих принимавый! 
Радуйся, ходатаю, и ныне, во Царствии Небеснем пребывая, за нас молитвы теплыя проливающий! 
Радуйся, молитвенниче, людем веру обрести помогавый! 
Радуйся, любви источниче, яко и животныя послушание ти приносили! 
Радуйся, скоропослушниче, людем, исполняющим словеса твоя ко спасению, ходатаю усердный! 
Радуйся, старче Николае Залитский, народа русскаго совесте и Божественныя Любве сияние!

Кондак 2
Издетска на коленях Государевых сидевый, о великий сродниче Царский,
ты благословения боговенчаннаго Государя нашего Николая великомученика сподобился еси.
И в подвале ипатьева дома со святым Царским Семейством духом пребывал еси в минуты тяжких страданий,
зревши и испыташа на себе лютыя муки, распятие и злохуления Семьи Державныя, егда посреди Державы своея, всеми преданный и оставленный, святый Великомученик и Государь наш, муки страшныя от богоборцев претерпевый, от Христа не отреклся еси.

Многим ко вразумлению и не страшася жидоборцев, ты рекл еси о страданиях тяжких Государевых,
и плакашися горько и о народе Русском распинаемом.
И тако, за Святую Царскую Семью слезы проливающий.
С совершенною жалостию народ Русский и Царя его – Великомученика возлюбивый.
День и ночь в скорби слезами вселенную орошавый.
Явися ты, яко Бог Вседержитель, за народ богоносный страждущий,
и Бога Слово – Христа Господа нашего распятаго, распятие и муки претерпевый.

Власть имущих богоборцев призывал ты милосердствовати о народе Русском.
Наипаче ходатаем пред святым Престолом Всевышняго и пред Царем нашим-батюшкой и его Святым Семейством убиенными явился еси, от конечной погибели народ Русский избавляя.
Сего ради мужества твоего и богоподобия воспоим Богу в Троице:
Аллилуиа, Аллилуиа, слава Тебе, Боже.

Икос 2
Во дни святыя жизни твоея, ангеле Божий и человече,
вси труждающиися и обремененнии помощь и утешение в свете твоем обретали.
С велиим благоговением и усердием в храме Божием моливыйся,
и на службу чуть свет приходивый, простых людей и некнижных тепле возлюбил еси. 

Како ране телесне, тако ныне духовныма очима зрим тя, святче Божий,
труждающимся, и о спасении нашем пекущемся.
Духовныя лекарства предлагающий, от страстей греха исцеляющий,
необдуманныя поступки возбраняющий и от греха оберегающий,
от бед и скорбей молитвами своими ограждающий, в трудных обстояниях и болезни помощь свою являл еси.

Сего ради воспоим: 
Радуйся, на земли телесне, на небесех духовно поживший! 
Радуйся, к Богу в небесная жилища зовущий! 
Радуйся, подвигов пачеестественных в истории христианства вершино! 
Радуйся, духовнаго жития твоего высоте и простоте ангели дивящеся! 

Радуйся, паче всех святых простотою возсиявший! 
Радуйся, препростыми глаголы души смиренныя утешавый! 
Радуйся, слышания глаголов небесных удостоивыйся! 
Радуйся, зрением духовным в горняя воспаряяй! 
Радуйся, старче Николае Залитский,/ народа русскаго совесте и Божественныя Любве сияние!

Кондак 3
Аки апостол новый явишася и рыбарь истинный,
рыбарям с острова Залита многажды помощь молитвами своими являл еси.
Уловление многия рыбы благословивый, тако и в сети любви твоея и благости многия души уловлены быша и ко Царствию Божию и спасению уловление прияша.
Сего ради, аки апостола истиннаго, зрим тя, светильниче Божий,
и ходатайства твоего смиренно и с любовию вопрошающа,
Богу в Троице поим: Аллилуиа, Аллилуиа, слава Тебе, Боже.

Икос 3
Душам, притекающим к милосердию твоему, помощник и защититель явился еси.
Духовное врачевание свое подающа, кротким сердцем послушание Богу принесл еси,
многия ко Господу обратиша и кающихся омыша слезами прощения. Сего ради возопиим: 

Радуйся, кротости и воздержания учителю! 
Радуйся, чистоты и целомудрия светоч! 
Радуйся,любви и верности Богу научающий! 
Радуйся, лествицу возхождения истиннаго духовнаго от нас не скрывающий! 
Радуйся,от опьянения самолюбия отрезвляющий! 

Радуйся, гордость житейскую и высокоумие, аки безумие богоборческое, вселенней открывающий! 
Радуйся, самолюбие из сердец наших, аки бич из рук вражеских, вырывающий! 
Радуйся, послушание устроению Божественному показующий! 
Радуйся, со смирением нести обличения нас научающий! 
Радуйся, старче Николае Залитский,/ народа русскаго совесте и Божественныя Любве сияние!

Кондак 4
О, прозорливче и молитвенниче чудный!
Зрел ты пути спасения всех приходящих к тебе с надеждою.
Любящим сердцем и словом ласковым утешал ты израненныя души, чудо преображения соделывая.
И поныне из Царствия Божия глас твой утешение скорбящим соделывает.
Сего ради, Господа благодаряще, хвалебную песнь поим: Аллилуиа, Аллилуиа, слава Тебе, Боже.

Икос 4
Радостию ангельскою о едином грешнице кающемся исполненный,
покаяние наше и с небеси принимаеши, яко некому ныне сердца наша утешати,
и покаяние наше к нашей погибели слугами ада разглашается по вселенней.
Приими наше исповедание грехов тяжких и разреши от них силою апостольскою,
не зримо телесными нашими очами, но очами веры, яко веруем: у Бога все живы.
Сия ради милости, ко спасению ведомыя, воспоим ти радостно: 

Радуйся, угодниче Божий, покаяние наше приемый! 
Радуйся, Божий слуго верный и истинный,/исповедания сердец многогрешных, яко тайну велию, не разглашавый коварным! 
Радуйся, от уз греховных свободителю, разрешающий нас бремени преисподняго! 
Радуйся, чудотворче, изцеляющий сердца наша и чадами Божиими соделывающий! 

Радуйся, молитвенниче преизящный, небесною мольбою за нас Бога молящий! 
Радуйся, заступниче, всепрощения Божественнаго нам испрошающий! 
Радуйся, любовь Божия, к вечности нас всеусердно приуготовляющий! 
Радуйся,сродниче Царский, чистотою Царственнаго благородства нас исполняеши! 
Радуйся, старче Николае Залитский, народа русскаго совесте и Божественныя Любве сияние!

Кондак 5
Чудотворцем земли Русския явился еси, предивне отче наш Николае!
Немым дар речи возвращая, семьи сохраняя, разрушение их предотвращая,
малых чад на жизнь праведную благословляя, научал ты народ наш святости благочестия.
Сего ради воспоим Господеви: Аллилуиа, Аллилуиа, слава Тебе, Боже.

Икос 5
Безчинство богоборцев в их злодейской власти обличал еси, праведне отче Николае,
подобно святителю Николаю до смерти стояша во истине Божественныя.
За убиеннаго Государя нашего Николая Александровича и семейство его святое умученное моления приносил еси со слезами горькими,
и, зряще распятие народа Русскаго, обезглавленнаго адскими слугами, сораспялся сердцем страдающим.

Сего ради возопиим: 
Радуйся,веры святой защито, властям безбожным противлению научающий! 
Радуйся, святче, недостижимый ныне антихристам! 
Радуйся, наставниче, из мира горняго нас добродетели и мужеству научающий! 
Радуйся, вечной жизни проповедниче, радость и надежду воскресения нам открывающий! 

Радуйся, из мертвых возстание, Силою Христовою от убиения злодейскаго воскрешенный! 
Радуйся, Христолюбче, яко бес воскрешати не может, показующий! 
Радуйся, силою архангельскою непобедимою царствие Небесное в душах мира дольнего воцаряеши! 
Радуйся, добрый окормителю, заботою о ближних исполненный! 
Радуйся, старче Николае Залитский, народа русскаго совесте и Божественныя Любве сияние!

Кондак 6
Како восхвалити тя и подвиги твоя, старче прелюбимый, егда зрели тя,
стоящим на молитве до света солнечнаго и на всяко время молящимся, пред Богом нашим Милосердным!
Трудом молитвенное делание сопровождая, себе отдых ты воспретил еси, грехом лености его называя.
Сие поучение приемля, воспоим Господеви: Аллилуиа, Аллилуиа, слава Тебе, Боже.

Икос 6
Старице некоей явишася, обличение грозное произнес еси.
Да убоится коварной зависти и хождения по волхвам с собеседованием.
Да восприимет чин, возрасту приличный, и строгостию жития своего искупит былыя смертныя.
Тако и властию прельщенному человеку обличение, яко вор еси, произнесши, отверг от своего общения гневно.

Сей образ исповедания веры святой приемля, воспоим тако: 
Радуйся, праведниче, молитвы Иисусовой наставниче! 
Радуйся, исповедниче, сквозь муки адския прошедый и Христа не отрекшийся! 
Радуйся, смиренниче, житию по чину небесному научающий! 

Радуйся, пребогате, чистоты духовныя сокровищнице! 
Радуйся, обличителю, мира, во грехах лежащаго, лицемерную лесть гневно отвергающий! 
Радуйся, истины зрение, мечтания льстивыя греховныя отгоняющий! 
Радуйся, целителю, болезни духовныя зависти и воровства горькими лекарствами врачующий! 
Радуйся, ратоборче, оружия диавола из сердец человеков изымающий! 

Радуйся, старче Николае Залитский, народа русскаго совесте и Божественныя Любве сияние!

Кондак 7
Душу простую ангельскую в чистоте сохранил еси, добрый наш отче, памятуя слова Господни:
истинно, истинно говорю вам, если не обратитеся и не будете, яко дети, не войдете в Царствие Небесное.
Веры твоея святыя плоды небесныя зрящи, воспоим Богу в Троице:
Аллилуиа, Аллилуиа, слава Тебе, Боже.

Икос 7
Вси мы, в житии своем пребывая, дни и часы, отпущенныя ко спасению нам Богом,
праздно проводим и легко, забывая час смертный, и молитвенников страдания презреша.
Сею виною согрешили мы пред Тобою, Боже, и милосердия и сострадания Твоего не понимая,
красною жизнию губим себя для вечности.
Но ради светильника Твоего с острова Залита спаси нас, вопиющих ему: 
Радуйся,благодатне, детскую веру сохранивший! 
Радуйся, блаженне, добротою преисполненный! 
Радуйся, утешителю, из вечности руку спасения простирающий! 

Радуйся, зрелыя веры носителю, Христу Богу плоды жития своего прекрасныя принесший! 
Радуйся, Царствия нетленнаго при жизни свидетельниче,/дерев цветущих плодоносное саждение! 
Радуйся, безсребренниче, туне приясте, туне дадите, делами исповедовавший! 
Радуйся, преподобне, единое богатство- Христа Бога -проповедавый! 
Радуйся, долготерпеливе, и нас терпению научающий! 
Радуйся, старче Николае Залитский, народа русскаго совесте и Божественныя Любве сияние!

Кондак 8
Благодарити Бога за всякое случающееся научаеши:
в плачевныя и тяжкия минуты, в страданиях и огорчениях, в болезнех и нищете,
и даже в минуты скорбныя разставания, егда ближния в сады небесныя уходят, мы же остаемся в опасностях жития земнаго;
тогда просити прощения у Бога с благодарным сердцем завещаеши нам, вопия непрестанно:
Аллилуиа, Аллилуиа, слава Тебе, Боже.

Икос 8
Человек с благодарным сердцем никогда ни в чем не нуждается,
ибо послет Господь новыя блага и дары благодарному.
За таковых молился батюшка с надеждою, верою, а за кающихся – со слезами.

Сего ради воспоим: 
Радуйся, праведне, всегда Бога благодарящий! 
Радуйся, путе спасения истинный, всегда Бога благодарити научающий! 
Радуйся, благодати сияние тихое, совесть, аки глас Божий, в сердцах пробуждающий! 
Радуйся, сило веры, волю ко спасению укрепляющий! 

Радуйся, веяние ладана благоуханнаго, благодать разумения у Господа испрашивающий! 
Радуйся, прозорливче, тайныя помыслы человека открывающий! 
Радуйся, свете премудрости, с искренней любовию недоумения и сомнения человек врачующий! 
Радуйся, искро Божия, тлеющие теплохладныя сердца возжигающий! 
Радуйся, старче Николае Залитский, народа русскаго совесте и Божественныя Любве сияние!

Кондак 9
Береги каждый час, их так мало у нас для молитвы,
сими словами и делами спасал батюшка от нерадения и разленения,
лекарства горькия труда предстояния и молитвы пред Господом нам подавая примером своим.
Так, за души скорбящия и страждущия, за народ Русский святой душу свою положил еси, святче Божий Николае.
Сего ради, благодаряще Господа за таковаго предстателя и ходатая, воспоим сицевая:
Аллилуиа, Аллилуиа, слава Тебе, Боже.

Икос 9
Пламенне молитися Богу научающий, пламенеющий восход солнца встречая,
сам с первыми лучами светила благодарил Господа в храме, свою молитву славословия с просыпающимся миром вкупе приносяща.
Сего ради воспоим: 
Радуйся, досточудне, яко встречал рассвет молитвою благодарения Бога! 
Радуйся,богохвальне, славословием Бога в Троице всякое дыхание свое соделавый! 
Радуйся, верне, и нас молитися непрестанно поучаяй! 
Радуйся, досточтиме, трудом молитвеннаго предстояния душу свою совершенною соделавый! 

Радуйся, праведне, яко в трудах нет греха, проповедавый! 
Радуйся, обличителю, ложь, порождающую лень и нерадение, гневно отвергающий! 
Радуйся, воителю, разленения духовнаго корень смертоносный иссекающий! 
Радуйся, правды Божия глагол, истины вечныя нам, аки детям, примером жития своего показующий! 
Радуйся, старче Николае Залитский, народа русскаго совесте и Божественныя Любве сияние!

Кондак 10
Болезней адских врачевание явился еси, святость жития своего показуя незримо.
И паче всякаго зла от зависти убегати поучал еси, диавольским копием, пронзающим сердце, скорбь греха сего именуя.
Слезами покаяния многими, постами сугубыми и мольбами научал ты поборати сопротивнаго, а наипаче презрение угождению плоти и сластолюбия упразднение являл болящему в лечение.
Сего ради благодарно воззовем к Богу: Аллилуиа, Аллилуиа, слава Тебе, Боже.

Икос 10
Всегда пред взором сердца умнаго видевый страдания народа Русскаго, при жизни мучениче, во плоти мученической ходивый по земле нетленно, и по успении своем нас не оставил еси.
Супружеской паре, скорбящей и не сподобившейся благословения твоего при жизни твоея, ты по успении своем явился еси, благословляя воочию в дивеевском храме у мощей преподобнаго Серафима.

Сего ради воспоим: 
Радуйся, утешение, наша скорби на радость претворяющий! 
Радуйся, святче, яко на убитом твоем теле, аки на мощах, была отслужена Литургия Божественная! 
Радуйся, страдальче, единый во вселенныя живый антиминсе! 
Радуйся, мучениче, воскресший по совершении на мощах твоих Литургии! 
Радуйся, праведниче, провозвестниче Вечнаго Жития со Господом! 

Радуйся, земный ангеле, Царствия Божия еще при жизни насельниче! 
Радуйся, красотами Царствия Небеснаго и земное горькое житие украсити пытавшийся! 
Радуйся, благоукрасителю, сим утешение людем скорбным приносивший! 
Радуйся, старче Николае Залитский, народа русскаго совесте и Божественныя Любве сияние!

Кондак 11
И по смерти твоея покаяние кающихся сердец принимающий, от грехов разрешаеши и причастие духовное подаеши.
Тако, и на Страшнем Суде заступничество твое обещавый, всем, с верою и любовию просящим тя о спасении.
Сего ради Господу благодарящи возопиим:
Аллилуиа, Аллилуиа, слава Тебе, Боже.

Икос 11
Молитвами твоими прохладу посылающий труждающимся в зное земном, скоропомощниче и предстателю за всех, в надежде сердца обращающихся к твоим святым молитвам.
Живое свидетельство Божией милости ты еси, о, новый мучениче Христов, от властей и воинств земных беззаконных и от злых людей мучения за великое свое служение спасения людей Русских претерпевый.
Пречистая Дева Мария, яко избранный сосуд благодати тя указала, велию заповедь заповедала всем живущим на земли благословение от тебе получити.
И посему, послушание Приснодеве исполняя, всем скорбящим и не сподобившимся твоего благословения при житии твоем, являешися, и благословение им преподаеши с любовию, аки живый.

Сего ради возопиим: 
Радуйся, преемниче благодати серафимовой! 
Радуйся, Духа Божественнаго сосуде преизящный! 
Радуйся, Христовою Любовию исполненный! 
Радуйся, Творческою десницею осененный! 
Радуйся, Бога в Троице всею жизнию своею проповедавший! 

Радуйся, яко преклоняеши небеса кающимся! 
Радуйся, милосердие Божие изрекающий спасенным! 
Радуйся, небеса внимательными соделывающий к слышанию покаяния нашего! 
Радуйся, старче Николае Залитский,/ народа русскаго совесте и Божественныя Любве сияние!

Кондак 12
Тако во храме Пресвятыя Троицы в Дивеево явивыйся, сам свидетельствовал, яко ты еси протоиерее Николае.
Сам Господь, сие свидетельство утверждая, святче Божий, велию радость благодати и утешения чрез твое благословение преподал еси.
Сего ради новый светильник Христов сияющий вселенней явился еси, преемником благодати Серафима Саровского пламенеющий.

Ведая сие, враг спасения рода человеческаго еще при житии твоем многия ковы тебе строиша.
За сие и тюремное ты заключение претерпеша, многия страдания, лишения, наготу, убиение понесоша.
В уверение же всеобщаго воскресения воскресл из мертвых по служении на мощех твоих Литургии Божественныя. Сия благодати Божией сподобишися, яко велий сосуд благодати Божественныя явился еси приходящим к тебе с верою и любовию.
И мы Господу возопиим сице: Аллилуиа, Аллилуиа, слава Тебе, Боже.

Икос 12
Ревностию по Бозе горящий, аки пламенный серафим, обличением грозным греховнаго жития провозвестник Суда Неумытнаго явился еси.
Память смертную указуя, на всяко время пред Господом предстояние проповедал еси.
Сего ради, легкомыслия и суетливости врачом искусным пребывая, подобно Серафиму, учиши куплю духовную соделывати, не сокровищствуя вещественно, но имея Христа сокровищем Единым ко спасению.

Таковое устроение небесное зряще, воспоим сице: 
Радуйся, учителю святости, Царствию Божию многие души очищенныя греха привел еси! 
Радуйся,благоукрасителю, обителей небесных устроителю! 
Радуйся, пресветлый херувиме, сохранивый паству свою тайнообразующи! 
Радуйся, хранителю, овец Христовых спасший для вечности! 

Радуйся, пастырю добрый, душу свою положивый за народ святой богоносный Русский! 
Радуйся, верне, за едину душу кающуюся многия подвиги, слезы и страдания подъемший! 
Радуйся, наставниче, легкомысленных стариц о вечности помышляти научающий! 
Радуйся, учителю, суетливаго жития, аки бесовскаго, течение обличающий! 
Радуйся, старче Николае Залитский, народа русскаго совесте и Божественныя Любве сияние!

Кондак 13
О, праведне святче Николае!
Ты еси совесте народа русскаго, наше мужество и утешение!
Ты еси Любве Божественныя сияние Всесветлое!
Сего ради воспоим Господеви, воздвигшему нам таковаго светильника и ходатая о спасении: Аллилуиа, Аллилуиа, слава Тебе, Боже. 

Кондак читается трижды, затем Икос 1, Кондак 1

Икос 1
Словами и делами евангельскими благая содеяша, старче Николае праведне, Церковь Ликовствующую небесную и Церковь Воинствующую земную воедино в себе соединил еси. Сего ради во знамение победы Христовой возопиим ти: 

Радуйся, предстателю, ходивый на небеса за душу кающуюся молитися! 
Радуйся, апостоле, рыбарей благословлявший богатый улов приносити! 
Радуйся, вертоградарю, цветов небесных на земли насадителю! 
Радуйся, отче, своим попечением Чад Божиих не оставляющий! 

Радуйся, боголюбче, спасительныя книги чающим утешения даривый! 
Радуйся, странноприимче, яко отец родной всех приходящих принимавый! 
Радуйся, ходатаю, и ныне, во Царствии Небеснем пребывая, за нас молитвы теплыя проливающий! 
Радуйся, молитвенниче, людем веру обрести помогавый! 
Радуйся, любви источниче, яко и животныя послушание ти приносили! 
Радуйся, скоропослушниче, людем, исполняющим словеса твоя ко спасению, ходатаю усердный! 
Радуйся, старче Николае Залитский, народа русскаго совесте и Божественныя Любве сияние!

Кондак 1

Избранный от века пречудный праведниче старче Николае, детскою простотою и любовию сердца своего Русь скорбящую обнимающий,
благодарением твоему служению ангельскому на земли исполненныя, с надеждою и верою воспоим ти сицевая: 

Радуйся, старче Николае Залитский,/ народа русскаго совесте и Божественныя Любве сияние!

Икона батюшки Николая Гурьянова в нашем каталоге

Скачать акафист Ниолаю Гурьянову в pdf

Информация о том, как доехать до острова Залит к Николаю Гурьянову